தாய்வான் அரசியலுள் குதிக்கிறார் Foxconn CEO

Foxconn

தாய்வானில் தலைமையகத்தை கொண்டுள்ள Foxconn என்ற இலத்திரனியல் தயாரிப்பு நிறுவனத்தின் CEO Terry Gou, KMT (KuoMinTang) கட்சி சார்பில், தாய்வானின் ஜனாதிபதி தேர்தலில் போட்டியிடவுள்ளார். இவரின் வரவு தற்போதைய ஜனாதிபதிக்கு பலத்த போட்டியாக இருக்கும்.
.
Democratic Progressive Party என்ற கட்சியை சார்ந்த தற்போதைய ஜனாதிபதி Tsai Ing-wen அமெரிக்க ஜனாதிபதி ரம்பின் ஆதரவுடன் சீனாவை சாடி வருபவர். அத்துடன் தாய்வான் ஒரு சுதந்திர நாடு என்றும் கூறி வருபவர். ஆனால் KMT கட்சியை சார்ந்த Terry Gou சீனாவுடன் இணங்கி செய்யப்பட விரும்புபவர்.
.
KMT கட்சியை 1949 ஆம் ஆண்டில் மா ஓ தலைமையிலான கம்யூனிஸ்ட் கட்சி (Communist Party of China) தாய்வானுக்கு விரட்டி இருந்தாலும், தற்போது KMT சீனாவுடன் நட்பு கொள்கையை கையாள விரும்புகிறது.
.
Foxconn உலகத்தில் 5ஆவது பெரிய நிறுவனம். இதன் ஊழியர் தொகை சுமார் 803,000. 2017 ஆம் ஆண்டில் இதன் மொத்த வருமானம் $4.7 ட்ரில்லியன் (4,700 பில்லியன்). இதன் நிகர இலாபம் மட்டும் சுமார் 135 பில்லியன். பெருமளவு Foxconn தொழிச்சாலைகள் சீனாவிலேயே உள்ளன.
.
Terry Gou வின் மொத்த சொத்துக்கள் சுமார் $7.6 பில்லியன் என்று கணிப்பிடப்பட்டு உள்ளது. இவரே தாய்வானின் முதலாவது பணக்காரர் ஆவார். இவர் 1974 ஆம் ஆண்டு Hon Hai (இப்போது Foxconn) என்ற நிறுவனத்தை $7,500 முதலீட்டுடன் ஆரம்பித்தார். அப்போது இந்த நிருவனம் பிளாஸ்டிக் பாகங்களையே உற்பத்தி செய்தது.

.