மயன்மாரில் (Myanmar) இடம்பெற்ற மண் சரிவுக்கு குறைந்தது 162 பேர் பலியாகி உள்ளனர். அத்துடன் மேலும் 54 பேர் வைத்தியசாலைக்கு எடுத்து செல்லப்பட்டும் உள்ளனர். இந்த சம்பவம் Hpakan என்ற மலைப்பகுதியான இடத்தில் இடம்பெறுள்ளது.

.

உள்ளூர் நேரப்படி வியாழன் பிற்பகல் 7:15 மணியளவில் இந்த சரிவு இடம்பெறுள்ளது. சரிவுக்கு முன் இப்பகுதில் கனத்த மழை பெய்துள்ளது.

.

Jade கற்களை அகழும் பகுதியிலேயே இந்த விபத்து இடம்பெற்றது. பலியானோர் அகழ்வை பிரதான தொழிலாக செய்யாதோர். வளர்ந்து வரும் சீனாவில் jade கல்லுக்கு சந்தை வலுவாக இருப்பதால் சாதாரண பொதுமக்களும் jade அகழ்வில் ஈடுபட்டுள்ளனர்.

.

2017-2018 ஆண்டுகளில் சுமார் $760 மில்லியன் பெறுமதியான jade களை மயன்மார் சீனாவுக்கு விற்பனை செய்திருந்தது. இத்தொகை முன்னைய ஆண்டிலும் 68% அதிகம்.

.

2015 ஆம் ஆண்டு கசின் என்ற jade அகழும் இடத்தில் இடம்பெற்ற சரிவுக்கு 90 பேர் பலியாகி இருந்தனர்.

.