இலங்கையில் இருந்து பொறியியலாளர் வேலைக்கென மலேசியா சென்ற இரண்டு பேரை அவர்களின் வேலைவாய்ப்பு தரகர் தடுத்து வைத்து, கூலி வேலைக்கு அமர்த்தி உள்ளார். தப்பி ஓடிய இரண்டு இலங்கையரும் மலேசிய போலீசாரிடம் முறைப்பாடு செய்து உள்ளனர்.
.

Madusanka Perera Edirisinghe, Dushan Kavinda De Silva ஆகிய 21 வயதுடையோர் மலேசியாவில் பொறியிலாளர் தொழில் தருவதாக கூறி அழைக்கப்பட்டு உள்ளனர். இவர்களுக்கு 8000 Ringgit (மலேசிய நாணயம், அல்லது U$ 2042) ஊதியமாக தருவதாகவும் இணங்கப்பட்டு இருந்தது.
.

மார்ச் 8ஆம் திகதி இரவு 11:00 மணியளவில் இரண்டு இலங்கையரும் கோலாலம்பூர் விமான நிலையம் சென்றுள்ளனர். அவர்கள் மறுநாள் 5:00 மணியளவில் Kuching என்ற இடத்துக்கு எடுத்து சென்று இரண்டு இந்தியரிடம் கையளிக்கப்பட்டு இருந்தனர். அங்கு இந்த இரண்டு இலங்கையரின் கடவு சீட்டுகளும் பறிமுதல் செய்யப்பட்டு, பின் Sibu என்ற இடத்துக்கு படகு மூலம் மார்ச் 10ஆம் திகதி எடுத்து செல்லப்பட்டனர்.
.

Sibuவில் இந்த இருவரையும் கையேற்ற ஒரு 25 வயது இந்தியர், கார் ஒன்று மூலம் இரண்டு இலங்கையர்களையும் Stabau என்ற இடத்தில் உள்ள கப்பல் கட்டுமிடம் ஒன்றுக்கு எடுத்து சென்றுள்ளார். அங்கு இரண்டு இலங்கையரும் கூலி வேலைக்கு அமர்த்தப்பட்டு உள்ளனர்.
.

மார்ச் 17ஆம் திகதி தப்பி ஓடிய இரண்டு இலங்கையரும் மலேசிய போலீசாரிடம் முறைப்பாடு செய்துள்ளார்.
.

சம்பந்தப்பட்ட தரகர் தற்போது கைது செய்யப்பட்டு உள்ளதாகவும், பாதிக்கப்பட்ட இரண்டு இலங்கையரும் மார்ச் 23ஆம் திகதி இலங்கை திரும்புவார் என்றும் கூறப்படுகிறது.
.