கடந்த வெள்ளிக்கிழமை எண்ணெய் உற்பத்தி நாடுகளின் கூட்டு அமைப்பான OPEC விடுத்த வேண்டுகோளுக்கு ரஷ்யா இணங்க மறுக்க, சவுதி அரேபியா தனது உற்பத்தியை அதிகரித்து, அதேவேளை தனது எண்ணெய் விலையை குறைத்தும் உள்ளது. அதனால் தற்போது எண்ணெய் விலை பரல் ஒன்றுக்கு $6 முதல் $8 வரையால் குறைந்து உள்ளது. கடந்த சில நாட்களில் மட்டும் எண்ணெய் விலை சுமார் 10% ஆல் குறைத்து உள்ளது. இந்த வருடத்தில் விலை சுமார் 30% ஆல் குறைந்து உள்ளது.

.

கொரோன வைரஸ் ஏற்படுத்திய பொருளாதார மந்த நிலை காரணமாகவும், பொருளாதார யுத்தத்தால் பல நாடுகளில் பொருளாதார நடவடிக்கைகள் குறைந்து உள்ளதாலும், சர்வதேச அளவில் எண்ணெய் பாவை குறைந்து உள்ளது. எரிபொருள் பாவனை குறைய, அதை விலையும் குறைத்து.

.

அளவுக்கு மீறி குறைத்த எண்ணெய் விலையை அதிகரிக்க சவுதி உட்பட OPEC நாடுகள் தமது உற்பத்தியை குறைக்க வேண்டின. ஆனால் ரஷ்யா தனது உற்பத்தியை குறைக்க மறுத்துவிட்டது. அதனாலேயே சவுதி தனது எண்ணெய் உற்பத்தியை அதிகரித்து, விலையையும் குறைத்து உள்ளது.

.

எண்ணெய் விலையை உயர்த்தி வைத்திருப்பது அமெரிக்காவின் எண்ணெய் உற்பத்தியாளருக்கு, குறிப்பாக அமெரிக்காவின் Shale எண்ணெய் உற்பத்தியாளருக்கு, சாதகமாக அமைகிறது என்று ரஷ்யா கருதுகிறது. எண்ணெய் விலை அதிகமாக இருந்தால் மட்டுமே அமெரிக்க, கனடிய எண்ணெய் உற்பத்தி இலாபகரமாக இருக்கும்.

.

ஒவ்வொரு நாட்டினதும் எண்ணெய் உற்பத்தி முறைக்கு ஏற்ப பரல் ஒன்றுக்கான அவர்களின் உற்பத்தி செலவு மாறுபடும். ரஷ்யாவுக்கு பரல் ஒன்றுக்கான உற்பத்தி செலவு $42 மட்டுமே. ஆனால் அமெரிக்காவின் shale எண்ணெய் பரல் ஒன்றுக்கான உற்பத்தி செலவு $68 ஆகும். அதனால் உலக எண்ணெய் விலை $68 க்கும் குறைவானால் அமெரிக்காவின் எண்ணெய் உற்பத்தி நிறுவனங்கள் நட்டத்தில் இயங்க நேரிடும். அதனால் அவர்கள் தமது வர்த்தகத்தை நிறுத்துவார். உலகிலேயே மிக குறைந்த விலைக்கு எண்ணெய்யை உற்பத்தி செய்ய வல்ல நாடு சவுதி.

.