Recent Comments

    சீராடை யற்ற வைரவன்

    SeeraadaiYatra

    அந்தகக்கவி வீரராகவ முதலியார் பாடியது

    பாடல்:
    சீராடை யற்ற வைரவன் வாகனஞ் சேரவந்து
    பாராரு நான்முகன் வாகனந் தன்னைமுன் பற்றிக்கௌவி
    நாராயணனுயர் வாகன மாயிற்று நம்மைமுகம்
    பாரான்மை வாகனன் வந்தே வயிற்றினிற் பற்றினனே

    பல கருத்து சொற்கள்:
    வைரவன் வாகனம் = நா ய்
    சேரவந்து = கிட்டவந்து
    பாராரும் = நிலத்திருந்த
    நான்முகன்  வாகனம் = அன்னம் = சோறு
    முன்பற்றிக் கௌவி = முந்திக்கொண்டு வாயில் எடுத்து
    நாராயணண் வாகனம் = கருடன்
    நம்மை முகம் பாரான் = நம்மிடத்தில் இரக்கம் காட்டாத
    மை  வாகனன் = ஆடு வாகனன் அக்னிபகவான் = நெருப்பு

    விளக்கம்:
    அந்தக  கவிஞர் முன்னால் நிலத்திலிருந்த கட்டுச்சோற்றை நாய் ஒன்று பருந்துபோல் கௌவிக்கொண்டு ஓடியதால்
    அவரின் வயிறு பசியால் கொதித்ததாகக் கூறப்படுகிறது