2026ம் ஆண்டில் பாகிஸ்தான் கடற்படைக்கு சீனா தயாரிக்கும் 2,800 தொன் இடப்பெயர்ச்சி எடை கொண்ட Hangor வகை நவீன நீர்மூழ்கி கப்பல்கள் கிடைக்கவுள்ளன. இந்த நீர்மூழ்கிகள் இந்து சமுத்திரத்தில் இந்தியாவுக்கு அதிகரித்த சவாலாக அமையும்.

பாகிஸ்தான் மொத்தம் 8 சீன நீர்மூழ்கிகளை பெறும். அவற்றில் 4 சீனாவில் தயாரிக்கப்பட்டு பாகிஸ்தான் வருகின்றன. அடுத்த 4 சீனாவின் உதவியுடன் பாகிஸ்தானில் தயாரிக்கப்படும்.

மேற்படி 8 நீர்மூழ்கி கொள்வனவுக்கும் பாகிஸ்தானுக்கு $4 முதல் $5 பில்லியன் வரை  செலவழிக்கும்.

சீனாவிடம் 20 இவ்வகை நீர்மூழ்கிகள் Type 39 என்ற குறியீட்டுடன் சேவையில் உள்ளன.

பாகிஸ்தானிடம் தற்போது 2,050 தொன் இடப்பெயர்ச்சி எடை கொண்ட மூன்று Agosta-90B வகை நீர்மூழ்கிகளும், 1,760 தொன் இடப்பெயர்ச்சி எடை கொண்ட இரண்டு Agosta-70 வகை நீர்மூழ்கிகளுமாக 5 பிரெஞ்சு நாட்டு நீர்மூழ்கிகள் உள்ளன. அவை 1999ம் ஆண்டு முதல் சேவைக்கு வந்த பழைய நீர்மூழ்கிகள்.