Recent Comments

    G7 அமர்வுக்கு ரம்ப் வெறுப்புடன் பயணம்

    G7

    நாளை 8ஆம் திகதியும், மறுதினம் 9ஆம் திகதியும் கனடாவின் Quebec மாகாணத்து Charlevoix நகரில் இடம்பெறவுள்ள வருடாந்த G7 அமர்வுக்கு வேண்டாவெறுப்புடன் செல்கிறார் அமெரிக்க ஜனாதிபதி ரம்ப். இவர் பதவிக்கு வந்த நாள் முதல் தன்னிசையாக எடுத்துக்கொண்ட தீர்மானங்கள் தொடர்பாக மற்றைய 6 நாட்டு தலைவர்களும் விமர்சனம் செய்யக்கூடும் என்பதாலேயே ரம்ப் அங்கு செல்ல நாட்டம் கொண்டிருக்கவில்லை.
    .
    ரம்பின் வர்த்தகத்துக்கான ஆலோசகர் Larry Kudlow இந்த முரண்பாடுகளை ஒரு குடும்ப சண்டை (much like a family quarrel) என்று மட்டுமே கூறியுள்ளார். ஆனால் முரண்பாடுகள் அதி உச்சத்தில் உள்ளன. கூட்ட முடிவில் வழமைக்கு முரணாக கனடிய பிரதமர் ஒரு அறிக்கை மட்டுமே வெளியிடுவார் என்றும் கூறப்படுகிறது.
    .
    மற்றைய 6 தலைவர்களும் ஒருமித்த கருத்துடன் இருக்கையில், இங்கே ரம்ப் தனித்து நின்று முகம்கொடுக்க விரும்பவில்லை.
    .
    ரம்ப் இந்த அமர்வில் ஈரான் விடயம் போன்றவற்றை கதைக்க விருப்பவில்லை. ஆனால் ஜேர்மனியின் மேர்கல் தான் இதுதொடர்பாக ரம்புடன் கதைப்பேன் என்றுள்ளார்.
    .
    வடகொரியாவின் கிம்மை மிகவும் மதிப்பிற்குரிய மனிதர் (very honorable) என்று கூறும் ரம்ப்,  தம்மையும், தம் நாடுகளையும் உதாசீனம் செய்வதால் விசனம் கொண்டுள்ளனர் மற்றைய 6 நாடுகளின் தலைவர்களும்.
    .

    ரம்ப் இங்கிருந்து சிங்கப்பூர் செல்வார். அங்கு ரம்ப்-கிம் சந்திப்பு இடம்பெறும். அந்த சந்திப்பின் போது எதையும் சாதிக்காது ரம்ப் வெறுக்கையுடன் திரும்பின், நிலைமைகள் மேலும் உக்கிரம் அடையும்.
    .