புதன்கிழமை பிரெஞ்சு சனாதிபதி மக்ரோன் (Macron) சீனாவின் தலைநகர் சென்று சீனா சனாதிபதி சீயை சந்திக்கவுள்ளார். மறுபுறம் வியாழன் ரஷ்ய சனாதிபதி பூட்டின் இந்தியா சென்று பிரதமர் மோதியை சந்திக்கவுள்ளார். இரு சந்திப்புகளும் பெரும் அறிவிப்புகளை செய்யலாம் சென்று கருதப்படுகிறது.

டிசம்பர் 3ம் திகதி முதல் 5ம் திகதி வரை மக்ரோன் சீன பயணம் ஒன்றை மேற்கொள்கிறார். இவர் மூடிய அறை பேச்சு ஒன்றை சனாதிபதி சீயுடன் மேற்கொள்வார். யூக்கிறேன், சீன-ஐரோப்பிய பொருளாதாரம் இரண்டும் இந்த உரையாடலில் பிரதான பங்கை கொண்டிருக்கும்.

2024ம் ஆண்டு சீனா ஐரோப்பிய நாடுகளில் இருந்தன கொளவனவுகளுக்கு மேலாக $305.8 பில்லியனுக்கு ஏற்றுமதியை செய்துள்ளது (trade deficit). அதை குறைக்கவும் மக்ரோன் முனைவார். அத்துடன் ரம்புடனான முரண்பாடு காரணமாக சீனாவின் rare earths கனியங்களும் ஐரோப்பாவுக்கு கிடைப்பது தடுக்கப்பட்டுள்ளது. இது தொடர்பாகவும் மக்ரோன் உரையாடுவார்.

டிசம்பர் 4ம், 5ம் திகதிகளில் டில்லியில் இடம்பெறவுள்ள பூட்டின், மோதி சந்திப்பு 23ம் இந்தியா-ரஷ்யா ஆண்டு அமர்வை (India-Russia Annual Summit) பின்னணியில் கொண்டிருக்கும். பூட்டினுக்கு இந்த அழைப்பை மோதி விடுத்திருந்தார்.

இந்த சந்திப்பில் மோதி ரஷ்யாவின் S-500 தடுப்பு ஏவுகணை கொள்வனவுக்கு விண்ணப்பிக்கலாம் என்று கருதப்படுகிறது. ரஷ்யாவின் இந்த S-500 தடுப்பு ஏவுகணை 600 km தொலைவில் வரும் எதிரியின் ஏவுகணைகளை மற்றும் யுத்த விமானங்களை வழிமறித்து தாக்க வல்லது. கூடவே ரஷ்யாவின் புதிய Su-57 யுத்த விமானங்களை கொள்வனவு செய்யவும் இந்தியா விண்ணப்பிக்கலாம். இவை அமெரிக்க சனாதிபதி ரம்பை மேலும் விசனம் கொள்ள வைக்கும்.

2018ம் ஆண்டு $5.4 பில்லினுக்கு ஐந்து S-400 Triumf களுக்கு இந்தியா விண்ணப்பித்து இருந்தாலும் அண்மையிலேயே மூன்று S-400 களை இந்தியா பெற்று இருந்தது. மேலும் இரண்டு S-400 விரைவில் இந்தியா வரும். இந்தியா மேலும் ஐந்து S-400 களுக்கும் விண்ணப்பிக்கலாம் என்றும் கூறப்படுகிறது. இந்த ஆண்டு மே மாதம் பாகிஸ்தானுடன் செய்த மோதலில் S-400 இந்தியாவுக்கு பயனாக இருந்தது.