சனிக்கிழமை வரை இலங்கை, இந்தோனேசியா, தாய்லாந்து, மலேசியா ஆகிய நாடுகளில் சூறாவளி அல்லது கடும் மழைக்கு சுமார் 600 பேர் பலியாகி உள்ளனர்.

இலங்கையில் Ditwah சூறாவளிக்கு இதுவரை பலியானோர் தொகை 128 பேர் ஆக உள்ளது. மேலும் 170 பேரின் இருப்பிடம் இதுவரை அறியப்படவில்லை. இலங்கையை விட்டு Ditwah சூறாவளி தற்போது வெளியேறி உள்ளது என்றாலும் மலை நாடுகளின் வெள்ளம் கீழ் பகுதிகளுக்கு வரும் போது ஆபத்து தொடரும்.

அதேவேளை இந்தோனேசியாவில் அப்பகுதியை தாக்கிய Senyar சூறாவளிக்கு 300 பேர் பலியாகி உள்ளனர். அங்கு மேலும் 300 பேரின் இருப்பிடம் தற்போதும் அறியப்படாது உள்ளது.

தாய்லாந்தில் இதுவரை 160 பலியாகி உள்ளனர். அங்கு Songkhla என்ற இடத்தில் வெள்ள நீர்மட்டம் 3 மீட்டர் வரை உயர்ந்து உள்ளது. தாய்லாந்தின் Hat Yai பகுதியில் ஒரு தினத்தில் மட்டும் 335 மில்லி மீட்டர் மழை பெய்துள்ளது.

மலேசியாவில் மரணங்கள் குறைவு என்றாலும் அழிவுகள் மிகையாக உள்ளன.